SPECIAL EVENT
Overview
Menu
CENTRAL LIBRARY
वाचन संकल्प महाराष्ट्राचा 2025 (Vachan Sankalp Maharashtra 2025)
“Reading opens the door to knowledge and growth.” With this belief, ‘Vachan Sankalp Maharashtra’ is an initiative to promote a strong reading culture across the state. The campaign aims to inspire students, teachers, and citizens to cultivate a habit of reading and open new pathways to learning and personal development.
Reading enhances critical thinking, creativity, and personality development. Through this initiative, various activities like reading sessions, book reviews, library visits, reading competitions, and discussions are being organized across schools, colleges, and libraries in Maharashtra.
Maharashtra has a rich literary heritage, and ‘Vachan Sankalp Maharashtra’ is committed to carrying this legacy forward. Let us come together and strengthen the culture of reading for a brighter future!
“Read More, Grow More!”
*वाचन संकल्प महाराष्ट्राचा*
“वाचन हे समृद्धीचे दार उघडते” या विश्वासावर आधारित ‘वाचन संकल्प महाराष्ट्राचा’ हा उपक्रम राज्यातील वाचन संस्कृतीला प्रोत्साहन देण्यासाठी सुरू करण्यात आला आहे. या अभियानाचा उद्देश विद्यार्थी, शिक्षक आणि समाजातील प्रत्येक घटकांना वाचनाची गोडी लावणे व नव्या ज्ञानाच्या दारात प्रवेश देणे आहे.
वाचन सवयीने व्यक्तिमत्त्व विकास, चिंतनशीलता आणि सर्जनशीलता याला चालना मिळते. या उपक्रमाद्वारे महाराष्ट्रातील शाळा, महाविद्यालये आणि ग्रंथालयांमध्ये विविध वाचन सत्रे, पुस्तक परिचय, ग्रंथदिंडी, वाचन स्पर्धा आणि चर्चासत्रांचे आयोजन केले जाते.
महाराष्ट्राला ग्रंथप्रेमींचा इतिहास लाभलेला आहे. ‘वाचन संकल्प महाराष्ट्राचा’ हा उपक्रम या वारशाला पुढे नेण्याचा संकल्प आहे. चला, एकत्र येऊ आणि वाचनसंस्कृतीला नवे बळ देऊ!
“वाचूया, समृद्ध होऊया!”
*वाचन संकल्प महाराष्ट्राचा अहवाल २०२५*
संतोष एन. दराडे पॉलिटेक्निक आणि महाराष्ट्र शासन यांच्या संयुक्त विद्यमाने “वाचन संकल्प महाराष्ट्राचा २०२५” या उपक्रमाचे आयोजन दिनांक १ जानेवारी २०२५ ते १५ जानेवारी २०२५ या कालावधीत करण्यात आले. या उपक्रमाचा उद्देश विद्यार्थ्यांमध्ये वाचनाची गोडी निर्माण करणे आणि त्यांना अभिवाचन, पुस्तक परीक्षण यांसारख्या कौशल्यांमध्ये प्रावीण्य मिळवून देणे हा होता.
*उद्घाटन समारंभ (६ जानेवारी २०२५)*
या उपक्रमाचा उद्घाटन समारंभ ६ जानेवारी २०२५ रोजी मोठ्या उत्साहात पार पडला. या कार्यक्रमाला प्रमुख मान्यवर उपस्थित होते. त्यांनी वाचनाचे महत्त्व सांगत विद्यार्थ्यांना वाचनाची सवय लावण्याचे आवाहन केले.
*वाचन कौशल्य कार्यशाळा (७ जानेवारी २०२५)*
७ जानेवारी २०२५ रोजी विद्यार्थ्यांसाठी वाचन कौशल्य कार्यशाळेचे आयोजन करण्यात आले. या कार्यशाळेमध्ये विद्यार्थ्यांना प्रभावी वाचन तंत्र, समजून घेण्याची क्षमता वाढविण्याचे उपाय यावर मार्गदर्शन करण्यात आले.
*पुस्तक परीक्षण व अभिवाचन स्पर्धा (१३ जानेवारी २०२५)*
१३ जानेवारी २०२५ रोजी पुस्तक परीक्षण आणि अभिवाचन स्पर्धेचे आयोजन करण्यात आले. या स्पर्धेत विद्यार्थ्यांनी वेगवेगळ्या पुस्तकांचे परीक्षण सादर केले तसेच प्रभावी अभिवाचन केले. विद्यार्थ्यांच्या उत्स्फूर्त सहभागामुळे या स्पर्धेला विशेष रंगत आली.
*समारोप (१७ जानेवारी २०२५)*
हा उपक्रम १७ जानेवारी २०२५ रोजी यशस्वीरीत्या संपन्न झाला. या वेळी विद्यार्थ्यांनी आपल्या अनुभवांची मांडणी केली. यावेळी शिक्षकांनी विद्यार्थ्यांनी घेतलेल्या पुढाकाराचे कौतुक केले आणि त्यांना भविष्यातही वाचनाची सवय कायम ठेवण्याचा सल्ला दिला.
*निष्कर्ष*
“वाचन संकल्प महाराष्ट्राचा २०२५” हा उपक्रम विद्यार्थ्यांसाठी अत्यंत उपयुक्त ठरला. वाचनाची आवड निर्माण करणे, अभिवाचन आणि पुस्तक परीक्षण यांसारख्या कौशल्यांना चालना देणे हा या उपक्रमाचा मुख्य उद्देश होता आणि तो यशस्वीरीत्या साध्य झाला. भविष्यात अशा प्रकारचे उपक्रम पुन्हा आयोजित करण्याची विद्यार्थ्यांनी मागणी केली.
Sr.NO |
Title |
Report |
|---|---|---|
| 1 | Vachan Sankalp Maharashtra Report 2025 | View Report |
Event Photo
